Wednesday, 26 December 2012

Galli Cricket Aur Murder


Amey Maidan Ke Pichhe Wali Diwaar Ko
Langh Kar Galli Ki Taraf Bhaga. Amey Ke Pichhe 5 Se 6 Log Haath Me
Talwaar Lekar Bhag Rahe The. Amey Jab Daudate Daudate Thak Gaya To Ek
Chhote Se Cabin Me Jakar Chhup Gaya. Uska Pichha Karne Wale Bhi Thak
Gaye The Par Vo Itani Aasani Se Haar Nahi Manane Wale The. Aaj Unki
Talwar Se Amey Ka Murder Fix Ho Gaya Tha. Sabhi Laundo Ki Umra 17-18
Saal Ke Karib Thee Aur Maut Se Hari Bazi Khelna Unka Shauk Tha. Kisi
Jawane Me Gilli Danda Khele Jane Wale India Me Cricket Ne Gilli Danda Ki Jagah Le Lee Thee. Cricket Ek Gentlemen Game
Tha Aur Khetwadi Ke Talab Maidan Par Eas Gentlemen Game Ko Pure
Ungentlemen Tarike Se Khela Jata Tha.

Har-Jeet Katle Aam Me
Badlte Der Nahi Lagati Thee Aur Police Hamesha Ki Tarah Murder Ke Baad
Sayran Bajate Huye Aa Jati Thee. Easme Police Ki Koi Galti Nahi Thi.
Khetwadi Ke Talab Maidan Par Koi VIP Player To Khelta Nahi The Jo Ki
Police Yaha Par Apna Havldaar Hamesha Tainat Rakhe. Police Ko Ground Par
4 Laash Mili. Charo Ki Sinkhat Kar Lee Gayi Thee. Marane Walo Me Gotu,
Punter, Rehman Aur Gattu The. Maarne Wale Bando Ke Bhi Naam Pata Kar
Liye Gaye The. Shankar Kaliya Aur Uski Gang Ka Murder Me Haath Tha. Amey
Eas Baar Bach Nikla Tha Par Kab Tak Bachega Tay nahi Tha.

Gentlemen Game Ke Karan 4 Log Mar Chuke The.
Kaise ?

Amey
Ki Team Ne Toss Jeetkar Pahele Batting Karne Ka Nirnay Liya. 6 Over Ka
Match Tha Jisme Amey Ki Team Ne 74 Run Banaye. Shankar Ki Team Ke Samne
75 Run Ka Lakhya Tha. Shankar Ki Team Ne Bhi Badhiya Shurvaat Ki but
Unke 5 Wicket Bahut Jaldi-Jaldi Chale Gaye. Shankar Ke Out Hone Par
Gattu Ne Kaha "Cricket Aapni Chhamiya Ko Kiss Karne Jitna Aasana Nahi Ki
Bat Uthkar Chale Aate Ho."

Madar......d & Phatak. Gattu
Jameen Par Pada Tha. Shankar Kaliya Ne Aapne Upar Hue Comment Par
Harbhjan Singh Ki Tarah React Kiya but Reaction Ka Tarika Aur Tempo
Alaga Tha. Gattu Par Usane Puri Takat Lagakar Bat Se Mara Aur Gattu Ka Bheja Ukhade Hue Stamp Ki Tarah Usake Sar Se Bahar Aa Gaya. Gotu Ne Stump Lekar Shankar Ke Taraf De
Mara Par Usane Kaun Sa Bhala Phek Ka Class Kiya Tha Jo Nisana Sahi Jagah
Par Lage. Shankar Ke Logo Ne Turan Sabhi Ko Gher Liya Aur Dekhate Hee
Dekhate Gotu, Punter, Rehman Bhi Jameen Par Pade The. Amey Boundary Par
Fielding Kar Raha Tha To Vaha Se Bhaga Par Shankar Kaliya Aur Usake Dost Amey
Ke Pichhe Daude.

Cricket Jaise Gentlemen Game Me Logo Ka Haath
Paav Tutna Mumbai Jaise Shahar Me Aam Baat Thee. Mahine Me Ek Murder Koi
Badi Baat Nahi Thee Aur Pichhale 4 Mahione Se Koi Murder Nahi Hua Tha.
Police Ke Average Ke Hisab Se Ye Ghatna Koi Chukane Wali Baat Nahi Thee
To Kisi Ne Eas Par Dhyaan Bhi Nahi Diya. Ulta Agar Ye Muder Na Hota To Crime Rate Kam Kaise Ho Gaya Easke Liye Bhi Matha Pachhi Karke Ek Report Banani Padti. Satya, Bhiku Mahtre Jaise
Kirdaro Ko Janm Dene Wala Mumbai Shahar Me Sachin Tendulkar Ne Bhi Janm
Liya. Sachin Aur Satya Ko Milaakar Jo Cricket Mumbai Ke Galiyo Me Khela
Jata Hai Vaha Par Bat Se Ball Nahi Balki Sar Phootate Hai.

Chutiyo
Ke Shahar Me Chutiyo Ki Kami Nahi Hai. Amey Aur Shankar Kaliya Dharavi
Jaisee Tang Galiyo Ka Sach Hai. Jise Koi Bhi Janana Nahi Chahat. Vaise
Bhi Mumbai Jaise Shahar Me Itani Bheed Hai Ki Kuchh Log Dharavi Ki
Galiyo Me Mar Bhi Jaaye To Kya Pharak Padta Hai. Kabhi-Kabhi Kuchh Log
Camera Uthakar Aate Hai Aur Ek Documentary Banakar Award Aur Naame
Kamate Hai. Par Mumbai Ki Tang Galiyo Me Khele Jane Wale Cricket Ka
Dur-Dur Tak Gentlemen Game Se Koi Lene Dena Nahi Hai.



Shankar Kaliya Police Se Aur Amey Shankar Kaliya Jaane Bachate Huye, Mumbai Ki Tang Galiyo Me Lukka-Chhipee Khel Rahe Hai. Shankar Kaliya Aur Amey Ko Out To Hona Hai Par Kab, kaha Aur Kiase Ae Waqt Batayega.



Doing Kamaal,
 

 


Kamal Upadhyay

No comments:

Post a Comment