Thursday, 18 October 2012

Chal Expose Karte Hai

Atkale vatakle aur ye post padh ke satk le. Aapnu Mumbai ka phanter Kamaal bole to aaj idhar expose ka baat karega. Expose bole to aapun heroine log ke chhote kapde ki baat nahi kar raha hai. Aapun aaj kal media mai chal rahele naye game show expose ki baat kar raha hai. Mereko malum hai eas game show ko chalana aur acting karna bahut he kathin hai par pure India ko ye Gameshow bahut pasand aa rahela hai.

Bole to Anna Hazare karke ek band hai jisane ae gameshow ka shuruvaat kiya. Anna Bhai kisi Janlokpal ke liye lad rahele the dilli mai aur phir jo media ne unko coverage diya aapun ye gameshow dekhkar hairan ho gaya. Aapnu se jaada to neta log hairan tha vo log ne kabhi socha bhi nahi the ki itana sara MANGO PEOPLE Anna ko support karne rod par aa jayega bhai Part -1 ke gameshow se to pura bharat hil gaya tha.


Aa rahela hu, Aa rahela hu, Chal Expose Karte Hai ke mudde par aa rahela hu. Anna ka baki ka Gameshow ko vo TRP nahi mila jo pahele game show ko mila tha to usake team ke ek member Arvind Bhai ne khud ka political party launch karne ka than liya usake baad to game show pura change ho gaya aur Chal Expose karate hai yaha se chalu hua.

Sabse pahela number laga Vadra ka. Bechara vadra ne to kabhi sapne me bhi nahi socha tha ki Gandhi family ka daamad hone ke baad bhi log usake upar pathar marega. Par Arvind bhai ne jo mari to pura media marane ke liye taiyaar ho gaya (mai pathar marane ki baat kar raha hu) Chal expose karate hai ka 1st part superhit ho gaya.

Bole to apne ko news aaya hai ki har 15din me ye log ek neta ko expose karega. Neta log abhi apne desh ko khud ka jagir samjhta hai. Abi expose hone ke baad to vo log ne kaisa aapas me pure bharat ko mil jul ke baant liya hai ye samane aa gaya lekin aage kya abhi ye log ko vantaas ki goli dega kaun. Aapun ka naam bhi eas baar voter list me aagayela hai aur aapun bhi eas baar neta log ko marega boleto pathar.


Doing Kamaal,
Kamal Upadhyay

No comments:

Post a Comment